診所禮儀15
大家可唔可以唔好攞埋你D嘢食入嚟見醫生。你又唔係買野比我食👉🏽👈🏽。
我間房其實係睇病用，間房都幾污糟。個個病人入黎咳下打下乞嗤🤧，摸下門摸下檯。有D懷疑自己出水痘又唔單聲，唔入隔離房入左嚟我度。你攞啲嘢食入嚟，擺喺度我又唔知你會唔會野到啲咩菌出返去。
同埋你啲嘢食咁大味，我間房冇得開窗，D味好難散架。下一個入到聞到你啲麥當當🍟都幾難受。And唔該，你杯凍飲啲水珠滴晒落嚟我張枱啦！
仲有，同一道理，我哋出面有遮架，落雨把遮濕可唔可以擺出面☔️？唔好有條雨水路跟住你入黎好唔好？成件事好Hansel and Gretel 🍬🏠